Kryetari i Aleancës për Ardhmërinë e Kosovës, Ramush Haradinaj, priti në takim ambasadorin e Danimarkës në Kosovë, Christian Grønbech-Jensen, me të cilin diskutuan për zhvillimet politike në vend dhe çështjet e tjera të rëndësishime për të 2 vendet përcjell InLajmi.
Haradinaj u shpreh se Danimarka ka luajtur rol konstruktiv duke mbështetur Kosovën në të gjitha proceset përfshirë edhe integirimet euro-atlantike.
Ndërsa shprehet mirënjohës ndaj shtetin danez për mbështetjen e Kosovës, Haradinaj theksoi dakordimin me ambasadorin për thellimin e marrëdhënieve bilaterale.
Postimi i plotë i tij:
Danimarka gjithmonë ka luajtur rol kontstruktiv duke i dhënë mbështetje të fuqishme vendit tonë në proceset euroatlantike dhe të anëtarësimit në organizatat ndërkombëtare.
Kënaqësi të presim në takim ambasadorin e Danimarkës në Kosovë, z. Christian Grønbech-Jensen dhe delegacionin nga Ministria e Drejtësisë së këtij shteti. Gjatë këtij takimi biseduam për zhvillimet politike në vend dhe forcimin e marrëdhënieve bilaterale mes Republikës së Kosovës dhe Danimarkës.
I konfirmova mbështetjen time dhe të Aleancës në ratifikimin e marrëveshjes ndërmjet dy vendeve tona për transferimin e të burgosurve. /InLajmi/
