Të enjten Qeveria e Kosovës mbajti mbledhjen e rradhës, gjatë së cilës u morrën një sërë vendimesh ku ndër to ishte edhe lansimi i Masës së Punësimit për Gratë e Mbijetuara të Dhunës, raporton InLajmi.
Me këtë rast kryeministri Albin Kurti u shpreh se pavarësisa ekonomike e grave është një faktor i rëndësishme e sigurisë dhe mirëqënies. Ndërkohë ai shtoi se prej kohësh tashmë Qeveria e tij ka ndërmarrë masa të cilat janë mbështetëse për gratë.
“Pavarësia ekonomike e grave është shkallë e rëndësishme e sigurisë dhe mirëqenies. Për këtë kemi zbatuar një sër masash. Në kohën e pandemisë kur grave sipërmarrëse u ofruam kredi investime që ta kenë të lehtë operimin në treg. Vitin e kaluar siguruam që secila familje të ketë të ardhme më të mirë dhe përfituan mbi 2 mijë familje që nuk e kishin asnjë të punësuar”. Tha Kurti.
Më tutje, ai tha se të gjitha grate e dhunuara do të kenë mundësinë të përfitojnë nga kjo masë. Gjithashtu ai shpjegoi edhe procedurën e punësimit nëpërmjet kësaj skeme.
“Të gjitha gratë që ishin të dhunuara, do të mund të jenë përfitues të kësaj mase. Pas regjistrimit, këshilltarët e punësimit do të angazhohen te bizneset që ofrojnë punë. MPFT do ta subvencionojnë pagën prej 70 për qind për gjashtë muaj. Kur gratë janë në gjendje ta sigurojnë mbijetesën e kanë më të lehtë të kalojnë sfidën që e kishin pasur”, tha ai.
Ndërkohë, ministrja e Drejtësisë, Albulena Haxhiu, tha se sfida kryesore për grate e dhunuara është papunësia dhe mungesa e strehimit. Gjithashtu ajo tha se shpreson që shume shpejtë të lejohet ligji për Byronë për pasuritë e konfiskuara në mënyrë që këto tu jepen kategorive në nevojë duke përfshirë këtu edhe grate e dhunuara.
“Në bazë të kontakteve tona me të mbijetuarat e dhunës, por edhe nga informacionet që i kemi marrë nga strehimores e nga data-baza në kuadër të MD-së, shumica e grave të mbijetuara të dhunës në familje janë të papuna. Pra sfida më e madhe e tyre është mungesa e një vendi të punës sikurse edhe strehimi. “Ne sot lansojmë masën për punësimin e grave të dhunuara dhe urojmë që shumë shpejtë që Gjykata Kushtetuese të jep leje për Ligjin për Byronë ku kemi theksuar që pasuritë që do fiksohen, pasuritë e personave që kanë krijuar pasuri të pajustifikueshme t’u dhurohet atyre që kanë më shumë nevojë dhe të mbijetuarave të dhunës në familje”. Tha ministrja.
Kjo masë u prezantua nga Qeveria në kuadër të fushatës “16 Ditët e Aktivizmit Kundër Dhunës me Bazë Gjinore”. /InLajmi/
