Deputetët e Partisë Demokratike janë futur herët këtë të enjte në sallën e Kuvendit dhe janë përplasur me oficerët e Gardës.
Në seancën e sotme në Kuvend pritet të kalojë nen për nen buxheti. Kjo situatë në sallën e Kuvendit po ndodh prej javësh, teksa përfaqësuesit e Partisë Demokratike vendosin karriget mbi njëra-tjetrën pranë foltores, kanë ndezur flakadanë e zjarr brenda sallës.
Ndërkohë, drejtuesja e Kuvendit, Lindita Nikolla e ka mbyllur seancën duke kaluar në kohë rekord projektligjet që kanë qenë për t’u votuar, shkruan A2 CNN.
Pas ngjarjeve të seancës së kaluar, Gazment Bardhi, është i përjashtuar për seancën e sotme, ndërsa reagoi në rrjetet sociale. Ai shkruan në Twitter.
“Ky nuk është më Parlamenti i përfaqësuesve të qytetarëve, por salla e Gardës së Republikës! Ora 09:00, asnjë deputet në sallë, por salla e seancave plenare ka plot 43 punonjës të Gardës së Republikës brenda”, shkruan Gazment Bardhi.
