Kryeministri i Kosovës, Albin Kurti, ishte pjesëmarrës në tryezë me përfaqësues të institucioneve dhe organizatave ku diskutuan rreth hulumtimit dhe dokumentimit të krimeve të kryera gjatë periudhës së luftës në Kosovë, raporton InLajmi.
Gjatë diskutimit, Kurti u shpreh se Instituti për hulumtimin dhe dokumentimin e krimeve të kryera gjatë luftës shumë shpejt do të fillojë të funksionojë.
Gjithashtu ai tha se ky do të jetë një proces i vështirë dhe kjo është arsyeja se përse pjesë e këtij institucioni do të jetë një ekip që është marr me analizën se cila do të ishte mënyra me e mirë për themelimin e institutit.
Më tutje kryeministri tha se ky institucion do të ketë buxhetin e tij.
Tashmë kemi institutin për hulumtimin dhe dokumentimin e krimeve të kryera gjatë luftës që shumë shpejt që do të funksionalizohe, kemi drejtorin e emëruar Atdhe Hetemi. Askush nuk duhet dhe nuk mund të pretendoj se lehtësisht do të arrijmë që t’i zgjedhim krejt problemet që janë shkaktuar që 24 vite, di të jetë shumë e vështirë, njerëzit janë të lodhur, viktimat kanë humbur besimi në sistem, gjenerata po vdesin për ditë, kështu po humbet kumtesa parësore e luftës. Kjo është arsye pse patëm vendosur që ta fillojmë punën me një ekip që është marr me analizën se cila do të ishte mënyra me e mirë për themelim e institutit. Instituti është themeluar me ligj, e ka linjën e vete buxhetore, ka ekspert të fushës”, tha ai.
Ndërkohë, drejtori i këtij instituti, Atdhe Hetemi tha se misioni i këtij instituti është mbledhja dhe hulumtimi i krimeve të luftës në Kosovë. Gjithashtu ai shpjegoi edhe strukturën e Institutit.
“Do të sigurohet që krimet e luftës në Kosovë të mos kalojnë pa u dokumentuar. Instituti përbehet nga 2 departamente, departamenti i dokumentimit dhe departamenti i hulumtimit”, tha ai.
Në këtë tryezë u adresua çështja e dokumentimit të krimeve të luftës në Kosovë dhe progresi i bërë gjatë këtyre viteve. /InLajmi/
