Kryeministri i Kosovës, Albin Kurti, flet me mburrje se në mandatin e tij ka punuar shumë për eliminimin e pabarazive sociale të cilat tha ai pengojn pavarësimin ekonomik të grave the vajzave në Kosovë përcjell InLajmi.
Kurti theksoi se pa barazi gjinore nuk ka barazi as në shoqëri si tërsi dhe se barazia është produkt i shoqërive të zhvilluara.
Për ta argumentuar punën e tij 3 vjeçare për eliminimin e pa barazisë sociale, kryeministri kujtoi subvencionimin e pagës për çdo grua të punësuar dhe kredi intensive për gratë sipërmarrëse gjatë kohës së pandemisë.
Ai përmendi gjithashtu edhe ndihmën shtetërore për familjet ku gjysma e përfituesve të skemës “Qeveria për Familjet”, nga e cila pako përfituese ishin gratë, kryesisht kryefamiljare.
Shefi i qeverisë përmendi edhe disa pako mbështetse për punësimin e grave duke u ndalur te nisma e fundit e subvencimit të pagës 70% për punësimin e grave dhe vikimave të dhunës në familje
Postimi i plotë i tij:
Qeveria për gratë.
Gjatë pandemisë, bizneseve ua subvencionuam pagën për çdo punëtore grua të punësuar, ndërsa grave sipërmarrëse iu ofruam kredi investive, në mënyrë që ta kenë sa më të lehtë operimin në tregun në Kosovë.
Rreth 3.000 gra u punësuan për herë të parë, nga gjithsej 5.000 që përfituan prej masës 1.3 të Pakos së Ringjalljes Ekonomike – Mbështetja e Punësimit të Grave.
Në kuadër të skemës “Qeveria për Familjet”, nga 2377 familjet përfituese, gjysma e të punësuarve ishin gra kryefamiljare.
Deri më tani janë 190 .000 gra përfituese direkte nga shtesat për fëmijë dhe rreth 50.000 të tjera nga shtesat për lehona. Si rezultat i drejtpërdrejtë, 90.000 gra për herë të parë kanë hapur xhirollogari të tyre bankare. Një hap ky i rëndësishëm drejt fuqizimit dhe pavarësimit financiar të grave.
Ndërkaq nga sot, po e nisim edhe një masë tjetër të punësimit nga e cila do të mund të përfitojnë gratë që janë viktima të dhunës në familje. Përmes saj, qeveria do të subvencionojë 70% të pagës së të punësuarave për gjashtë muaj me radhë.
Si dje, si sot dhe nesër, bashkë do të vazhdojmë punën për të eliminuar pabarazitë sociale që pengojnë pavarësimin ekonomik të grave dhe vajzave. Pa barazi gjinore nuk mund të kemi barazi shoqërore. Barazia është produkt i shoqërive të zhvilluara dhe parakusht i zhvillimit të mëtejmë të shoqërisë. Sa më e vogël pabarazia, aq më i madh zhvillimi./ InLajmi /
