Zyrtari i LDK-së Berat Rukiqi ka reaguar ndaj pakos financiare në ndihmë të familjeve në nevojë për blerjen e lëndëve djegëse për dimër, duke e krahasuar qeverinë aktuale me një organizatë që shpërndan ndihma, përcjell InLajmi.
Rukiqi shprehet se kjo paketë ka ardhur si pasojë e presionit që po i bëhet qeverisë për shkak të dështimeve të shumta e se dhënia e ndihmave nuk është mënyra e duhur për zhvillimin e popullit. Më tutje, zyrtari i LDK, ish anëtari i Odës Ekonomike së Kosovës thotë mbi 26 000 qytetarë i janë shtuar listës së të varfërve gjatë kësaj qeverie e se në vend të lëmoshës duhen krijuar vënde të reja pune.
Postimi i tij i plotë:
Organizata Joqeveritare “Qeveria Kurti”
Kryemashtruesi, nen presion nga skandalet, me deshtime ne çdo fushe qe i prek qytetaret e vendit dhe nen sanksione, i kthehet edhe njehere kartes te popullizmit.
E ka shendrruar qeverisjen ne nivelin e nje organizate qe shperndan ndihma.
Duhet te ja rikujtojme prape, qe me ndihma nuk ka zhvillim e as punesim. Mbi 26,000, eshte numri i qytetareve, qe i jane shtuar listes te te varferve, ne dy vite te qeverisjes te levizjes Vetevendosje.
Qytetaret nuk kane nevoje per lemoshe. Kane nevoje per vende pune, si dhe jete te perballueshme dhe te dinjitetshme. /InLajmi/
