Kryeministri i Kosovës, Albin Kurti pas mbështetjes që bëri për familjet me nevoja sociale shprehet se si qeveri nuk do ti ”harrojë” ata që kanë nevojë për dorën e shtetit, përcjell InLajmi.
Kurti shton se po subvencionojmë blerjen e lëndës djegëse për ngrohje dhe për çdo familje në asistencë sociale do të ndajmë 120 euro plus 30 euro shtesë për secilin anëtarë të familjes dhe se me këtë maësë do të fitojnë 21.000 familje e 81.000 qytetarë.
Kreu i vendit thekson se do të jetë gjithmonë mbështetje pë qytetarët tanë përball çdo vështirësie.
Postimi i plotë i tij:
Po subvencionojmë blerjen e lëndës djegëse për ngrohje për familjet në asistencë sociale.
Për çdo familje në asistencë sociale do të ndajmë 120 euro plus 30 euro shtesë për secilin anëtarë të familjes. Për shembull mbështetja për një familje 4 anëtarëshe do të jetë 240 euro – 120 euro bazë dhe 120 euro tjera nga totali i shtesave prej 30 euro për çdonjërin nga 4 anëtarët. Me këtë masë llogaritet të përfitojnë rreth 21.000 familje e 81.000 qytetarë.
Kjo është mbështetja e radhës për ata që kanë më së shumti nevojë. Qytetarët tanë nuk do të jenë asnjëherë vetëm përballë vështirësive të kohës. Jemi dhe do të mbetemi qeveri që udhëheq dhe që mbështet. Që prin dhe nuk lë askënd prapa. /Inlajmi/
