Aktorja e njohur, Angelina Jolie zbuloi për herë të parë në një intervistë problemet psikologjike të shkaktuara nga divorci i saj i vështirë nga Brad Pitt. Jolie foli për ankthin e saj dhe terapinë që kaloi pas ndarjes së tyre. Sipas mediave të huaja, ajo tregoi se pak para divorcit, ai vuante nga sindroma e Bell-it ose paraliza.
“Trupi im reagon shumë fuqishëm ndaj stresit. Sheqeri në gjak më shkon lart e poshtë. Papritur, gjashtë muaj para divorcit tim, mora paralizën e Bell-it.”, tha ajo.
Paraliza e Bell-it është një gjendje e cila shkakton dobësi të papritura të muskujve në vetëm njërën anë të fytyrës. Në shumicën e rasteve kjo paralizë është e përkohshme dhe përmirësohet me kalimin e javëve.
Në një moment tjetër gjatë intervistës, ajo theksoi se në jetën e saj personale nuk përfshihen takimet dhe daljet, ku shprehet: “Nuk kam vërtet… jetë sociale. Kuptova se miqtë e mi më të ngushtë janë refugjatë. Ndoshta 4 nga 6 femrat që kam rreth meje vijnë nga lufta dhe konflikti”, shkruan Living.al
Jolie paraqiti kërkesën për divorc nga Pitt në vitin 2016, pak pasi ajo e akuzoi atë se kishte abuzuar me të dhe dy nga fëmijët e tyre në një avion privat. Aktori 59-vjeçar dyshohet se ka qenë abuzues verbalisht dhe fizikisht me fëmijët e tij teksa ishte i dehur në aeroplan. Ai i ka mohuar akuzat. Jolie dhe Pitt njoftuan ndarjen e tyre në vitin 2016, dhe për shtatë vitet e fundit takimet e çiftit dikur shumë të dashur janë zhvilluar kryesisht brenda një sallë gjyqi për mosmarrëveshjet e tyre të ndryshme financiare dhe personale.
