Edhe një femër e vrarë nga dora e një mashkulli, shoqëria kosovare po e ndien në rrezik gjininë femërore dhe të marten në mbremje pikërisht me thirrjet “Nuk ka paqe pa sigurinë e grave”, organizata Kolektivi për Mendim dhe Veprim Feminist, protestoi duke kërkuar që dhuna e gjinizuar dhe femicidi të trajtohen si urgjencë kombëtare, raporton InLajmi.
Vrasja e Liridona Ademajt bëri që të ngrisin zërin e ku kjo protestë filloi me thirrjet “liri, barazi, solidaritet” .
Pankartat që mbanin në duar protestuesit ishin me mbishkrimin “Burrat vrasin gratë, shteti heshtë”, “Drejtësi për Liridonën”, “Gjykata armike të grave” e të tjera, duke kërkuar kështu që ky fenomen të trajtohet me urgjencë nga shteti dhe që vrasësit të marrin dënimin e merituar nga institucionet përkatëse
Protestuesit gjatë protestës kanë përmendur emrat e grave të vrara përgjatë viteve në Kosovë, duke kërkuar drejtësi për secilën prej tyre.
Prezent në protestë janë parë edhe të afërmit e së ndjerës Liridonës, duke mbajtur pankarta në duar “Drejtësi për Liridonën!”/InLajmi/.
