Kryetari i PDK-së, Memli Krasniqi, ka shprehur ngushëllimet e tij për vdekjen e aktorit të mirënjohur Mirush Kabashi, përcjell InLajmi.
Krasniqi ka përmëndur çmimet që aktori i ndjerë ka marrë për kontributin e tij në skenën e artit shqiptar.
Më tutje, kryetari i PDK-së shprehet se Mirush Kabashi do të jetojë përjetësisht në zemrën e secilit shqiptar.
Postimi i tij i plotë:
Na paska lënë sot shqiptari, kosovari ynë, që këtë dhe, në të 2 anët e kufirit, e kish Vatan e kish Atdhe. Mirush Kabashi, shkodrani me prejardhje nga Gjakova, në 75 vitet e jetës së tij realizoi mbi 100 role në teatër dhe film.
Pas çmimeve si “Artist i Merituar”, “Mjeshtër i Madh i Punës”, Mirushit, me plotë meritë, iu nda edhe çmimi “Nderi i Kombit”.
Përmes kontributit për artin shqiptar, e posaçërisht recitimeve të tij të papërsëritshme, Mirush Kabashi do të jetoj përjetësisht në zemrën e secilit shqiptar – gjersa mali të bahet hi, e hiri mal përsëri!
Lamtumirë, mjeshtër!
/ InLajmi/
/ InLajmi/
