Kryetari i Aleancës për Ardhmërinë e Kosovës, Ramush Haradinaj ka shprehur ngushëllimet e tij për ndarjen nga jeta të aktorit Mirush Kabashi, përcjell InLajmi.
Haradinaj e konsideroi Mirushin si një artist të rrallë e shpreh se kujtimi i aktorit do të mbetet ndër breza për profesionalizmin e tij. Më tutje, Haradinaj thotë se ndarja nga jeta e Mirushit krijon një boshllëk të madh në kinematografinë shqiptare.
Postimi i tij i plotë:
Mjeshtri i artit, Mirush Kabashi, do të kujtohet ndër breza për profesionalizmin e tij prej artisti të rrallë. Ikja e tij në amshim, krijon boshllëk në kinematografinë shqiptare, gjithandej. Mjeshtër i madh i filmit dhe i teatrit, artist që i dha shumë kinematografisë në përgjithësi.
Ua përcjelli ngushëllimet më të sinqerta familjes Kabashi, kolegëve artistë, dhe gjithë shqiptarëve! / InLajmi /
