Instituti Demokratik i Kosovës, KDI të martën mbajti konferencën “A ka ardhur koha për Ligjin për Lobim?”, me çrast nga pjesëmarrësit lobimi u vlerësua aktivitet në vete dhe i rëndësishëm ndërsa kërkohet edhemiratimi i ligji për lobim, raporton InLajmi
Raphaël Kergueno nga Transparency International EU, para pjesëmarrësve të konferencës shpërfaqi praktikat më të mira evropiane të rregullimit të lobimit.
Kurse Jarmo Helppikangas, shef për Sundimin e Ligjit dhe Seksionit Ligjor në Zyrën e BE-së, tha se Ligji për Lobim bazohet në praktikat e BE-së, ndërsa theksoi se edhe Kosova duhet ta adaptojë dhe të nisë zbatimin e ligjit.
“Është një tryezë dhe nisëm e rëndësishme sepse BE-ja i mirëpret këto nisma. Lobimi është një aktivitet dhe një sistem mjaft i zakonshëm për sistemet demokratike, aty ku populli merr pjesë drejtpërdrejt dhe ky ligj bazohet në nenin e 11-të të Marrëveshjes e Evropës, që thotë duhet të jepen mundësi dhe masa që të njoftohen dhe të shkëmbehen publikisht të gjitha fushat të BE-së, së bashku me ekspertizat e saj. Institucionet duhet të kenë dialog të hapur dhe transparent si dhe duhet te ketë rregullore dhe rregulla te qarta dhe të mos ndikohen ne aktivitete të tjera. Lobimi si aktivitet në vete është aktivitet ligjor dhe duhet bërë sa më shumë dhe të praktikohet, sepse vetëm kështu si Kosovë mund të keni ndikim në BE, sepse në këtë mënyrë edhe do afroheshit me shtetet e BE dhe politikat e tyre”, tha Helppikangas, duke shtuar se ky është momentum i duhur që çështja e Lobimit të bëhet sa më e rëndësishme dhe të realizohet sa më shpejt që është e mundur.
Shefja e Grupit Parlamentar të VV-së, Mimoza Kusari-Lila, tha se nga një ligj i tillë kompanitë e fuqishme dhe grupet e interesit mund të bëhen më të fuqishme përmes këtij projektligji.
Ndonëse sipas saj, lobimi nuk është i rregulluar juridikisht, ai ndodh vazhdueshëm në Kuvend.
“Kjo çështje është një sfidë shtese sepse duhet ta bëjmë me anë të ligjit dhe grupet që lobojnë poashtu duhet të jenë të ligjshme pra të rregulluara me ligj, një problem në Kosovë paraqitet rezultati politik shkon tek një grup i caktuar që nënkupto që aty është forca dhe mundësia financiare do shtyjnë përpara ligje dhe lobime në favor të tyre dhe resurset financiare do bëhen problem tek grupet e margjinalizuara dhe do krijojnë disbalanc në shoqëri si përfaqësues e shumicës në Kuvend është një problem kompleks dhe në Kuvend janë disa rregulla të cilat duhet ndryshuar”, tha Kusari-Lila.
Deputetja e PDK-së Blerta Deliu-Kodra, përmendi rastin e angazhimit të Gani Jakupit, si këshilltar në Ministrinë e Punëve të Jashtme për të lobuar për fuqizim ndërkombëtar.
Sipas saj, nuk duhet që të punohet vetëm në miratim, por edhe zbatimin e tij ligjit për lobim.
“Në emër të PDK e vlerësojmë faktin që po flasin për këtë iniciativë dhe jemi të vetëdijshëm që nuk është e lehtë sepse nëse shohim Maqedoninë e Veriut edhe ata e kanë këtë, Ligj por nuk është funksional pra ne duhet të punojmë që ta miratojmë këtë Ligj por edhe ta funksionalizojmë”, tha Deliu-Kodra.
Deputetja e AAK-së, Time Kadriaj, tha sa duhet që të ketë konsensus politk në mënyrë që të miratohet ky ligj, ndonëse si parti e përkahin. Ajo pati kritika për mos transparencën dhe llogaridhënien e Qeverisë.
“Ligji për Lobim duhet të ekzistojë dhe është një praktikë e rëndësishme për një shtet, por në Ligj jo gjithmonë përfshin edhe shumë çështje të cilat duhet të krijohen me Urdhëresa Administrative dhe ndodhe që ndonjëherë Qeveria abuzon më këtë urdhëresa sepse këto urdhëresa gjithmonë duhet të jenë sa më afër me ligjin që del nga Kuvendi”, tha Kadrijaj
Raphawl Kergueno nga Transparency International EU, tha se është krijuar një perceptim që lobimi është negativ, por që nëse shfrytëzohen të gjitha rrugët ligjore ky proces është tejet i rëndësishëm për një shtet.
Sipas tij, grupet e lobimit duhet që të jenë transparente për popullin në mënyrë që të dihet se ku po shkojmë paratë e tyre.
“Duhet që grupet e lobimit të jenë transparent për popullin pra populli duhet ta dijë kush janë ata sa para kanë dhe të gjitha praktikat që ata i përdorin, dhe çështja e lobimit duhet të mos krijojë edhe skandale sepse shpesh edhe ne vendet e Bashkimit Evropian kjo çështje ka krijuar skandale duke bërë kështu që me anë të lobimit shumë njerëz të fitojnë pushime falas në emër të lobimit dhe duke krijuar skandal dhe duke mos dhënë askush llogari për këtë çështje, pra është e obligueshme që çështja e lobimit të krijohet sepse vetëm kështu do bëhej një vend demokratikë në mënyrën e duhur duke mos harruar edhe transaprencën dhe qasje për të gjithë”, tha Kergueno./InLajmi/
