Sindikata e Pavarur e Minatorëve të Trepçës u bën thirrje menaxhmentit të Trepça SH.A, që të paguajnë detyrimet financiare të prapambetura, përcjell InLajmi.
Sipas sindikatës kjo është një mënyrë tjetër që menaxhmenti përdor për të penguar veprimtarinë e tyre e kjo gjë po ndodh në vazhdimësi prej disa vitesh. Në total sindikata pretendon se menaxhmenti i detyrohet një pagesë prej 80.000 euro.
Më tutje në reagimin e tyre, Sindikata njofton se nëse kjo pagesë nuk përfundohet brenda një jave, atëherë do të ndiqen hapat demokratikë për të realizuar këtë pengesë.
Njoftimi i plotë nga Sindikata e Pavarur e Minatorëve të Trepçës:
Menaxhmenti i Trepça SH.A. rreth 80.000 mij euro obligime ndaj Sindikatës së Minatoreve të Kosovës.
Te nderuar Minator janë bërë tani e sa vite që Menaxhmenti i Ndermarrjes Trepça SH.A e pengon aktivitetin sindikal të Sindikatës së Minatoreve të Kosovës në forma të ndryshme, duke filluar nga përndjekjet, shantzhet, presionet, kërcënimet, suspendimet, largimet nga puna etj.
Një formë tjetër pengimit të veprimit sindikal dhe përpjekjes për të zhbër sindikaten është ndalesa e kuotizimit apo antarësis sindikale. Duke penguar dhe pamundësuar aktivitetin sindikal vazhdimisht. Si rezultat i mostransferimit të këtyre mjeteve për disa vite obligimi tanimë duhet të jetë rreth 80.000 euro. E tmerrshme.
Këto janë mjete të cilat ne i paguajm nga paga jonë, me djersen e ballit dhe të njejtat nuk na i transferojnë në llogarin sindiakle. Me tendencen e vetme përndjekjen e sindikalistëve, largimin e tyre nga sindikata dhe njëherit zhbërjen e saj.
Turpi ju mbuloft. Ju se keni iden se çka është as demokratike e as ligjore. Por ta dini se Trepça nuk është pronë e bordit e as e një menaxhmenti total të padijshem.
Trepça SH.A parasëgjithash është e minatorëve dhe qytetarëve, e keshtu do të mbetet gjithmonë.
Ne ju njoftojm dhe bëjmë thirrje që nëse brenda afatit një javor nuk paguhet vlera e plotë e kuotizimit sindikal (që është paguar nga djersa jonë/ nga gjepi ynë/nga kafashata e familjeve tonë), ne do të ndermarrim të gjithë hapat demokratik për të realizuar këtë të drejtë.
Bashkangjitur me këtë postim keni vetem një pjesë të obligimeve që ndërmarrja Trepça SH.A i ka Sindikatës së Pavaruar të Minatorëve të Trepçes së Kosovës.
Me respekt,
Sindikata e Pavarur e Minatorëve të Trepçës së Kosovës. /InLajmi/
