Kryetari i Aleancës për Ardhmërinë e Kosovës, Ramush Haradinaj ka shprehur urimet e tij me rastin e 111 vjetorit të krijimit të Forcave të Armatosura Shqiptare, përcjell InLajmi.
Haradinaj tha se ky 111 vjetor shërben si përkujtim i guximit dhe dashurisë për atdheun të atyre që dhanë kontributin e tyre në krijimin dhe fuqizimin e Ushtrisë Shqiptare. Gjatë urimit të tij, ai shtoi se Forcat e Armatosura Shqiptare vazhdojnë të nderojnë trashëgiminë e tyre, por kësaj here si pjesë e NATO-s duke kontribuar në ruajtjen e paqes dhe sigurisë në botë.
Postimi i tij i plotë:
Urime Dita e Forcave të Armatosura Shqiptare!
Në 111-vjetorin e krijimit të Forcave të Armatosura Shqiptare, kujtojmë me respektin më të thellë të gjithë atdhetarët e asaj kohe, të cilët me guxim dhe dashuri për atdheun kontribuuan në krijimin dhe fuqizimin e Ushtrisë Shqiptare.
Sot, Forcat e Armatosura Shqiptare
me krenari vazhdojmë të nderojnë trashëgiminë e tyre të lavdishme, të cilët si pjesë e NATO-s shkëlqejnë në misione të ndryshme për të mbrojtur paqen dhe sigurinë në botë./InLajmi/
