Ish shefi i stafit të ish presidentit Behgjet Pacolli, njëherazi edhe bashkëpunëtor i ngusht i tij, Jetlir Zyberaj ka komentuar rreth Naim Murselit duke e konsideruar si një monstrum, raporton InLajmi.
Gjatë reagimit të tij, Zyberaj u shpreh se Murseli ishte fshehur midis kolegëve duke e paraqitur veten e tij si një person të sjellshëm e humanist. Më tutje Zyberaj shtoi se procesi i sotëm është një sfidë për të parandaluar të gjithë personat e ngjashëm me Naimin.
Postimi i tij i plotë:
Sot drejtësia nisi procesin ndaj një monstrumi, Naim Murselit.
Në mënyrë dinake dhe të pabesë, ashtu siç kreu aktin mizor ndaj një nëne, ndaj gruas së tij, ai është fshehur mes nesh, duke u paraqitur i qetë dhe i sjellshëm, madje edhe humanist.
Procesi që nis sot është një sfidë për të parandaluar njëherë e mirë Naimët e tjerë, të cilët vrasin tinëzisht natën dhe qajnë ditën. / InLajmi/
