Me rastin e Ditës Ndërkombëtare të Personave me aftësi të kufizuara, kryetari i Komunës së Prishtinës, Përparim Rama ka përuruar muralin me portret të Faruk Kukaj, përcjell InLajmi.
Rama u shpreh se ky mural shërben si kujtim i përgjegjësisë kolektive për të përfshirë të gjitha shtresat e shoqërisë.
Më tutje, kryetari i Komunës shtoi se janë duke punuar për të përmirësuar kushtet infrastrukturore që personat me aftësi të kufizuara të kenë qasje sa më të lehtë në kryeqytet.
Postimi i plotë:
Përuruam muralin, portret i Faruk Kukaj, si simbolikë për shënimin e Ditës Ndërkombëtare të Personave me aftësi të kufizuar.
Ky moral prezanton dhe na kujton çdo ditë për përgjegjësinë tonë kolektive për përgjegjësinë dhe gjithpërfshirjen e shoqërisë.
Do t’i vazhdojmë përpjekjet tona për respektim të të drejtave të secilit individ në kryeqytet.
Po punojmë vazhdimisht që të përmirësojmë kushtet infrastrukturore për të ofruar qasje sa më të
lehtë kudo në kryeqytet për personat me aftësi të kufizuar. / InLajmi /
