Pas përfundimit të seancës në Gjykatën Themelore të Prishtinës, ky institucion ka njoftuar se ekziston “dyshimi i bazuar mirë” se Naim Murseli gjithashtu e kishte pajisur me armë Granit Plavën, raporton InLajmi.
Më tutje thuhet se të dy e kanë planifikuar mënyrën se si do të ndodhte ngjarja dhe grabitja, ku Murseli do të merrte fëmijët nga makina teksa e ndjera do të lihej në makinë gjatë grabitjes. Gjithashtu Naim Murseli i kishte premtuar Plavës 30 mijë euro për vrasjen e Liridonës.
Njoftimi i plotë i Policisë;
“Ekziston dyshimi i bazuar se i pandehuri N.M me dashje që ta privojë nga jeta në mënyrë dinake bashkëshorten e tij, ishte marrë vesh me të pandehurin G.P për ta vrarë tani të ndjerën L.M, ku paraprakisht i pandehuri N.M e kishte pajisur me armë të pandehurin G.P dhe kishin inskenuar veprën penale të Grabitjes, e cila është realizuar me datë 29.11.2023 rreth orës 20:25 minuta , në fshatin Bernicë, Komuna e Prishtinës, në atë mënyrë që derisa i pandehuri N.M ishte duke lëvizur me veturën e tij, në të cilën kanë qenë e ndjera L.M dhe dy fëmijët e tyre, papritmas ka dalë para veturës i pandehuri G.P me maskë në kokë dhe revole në dorë, ku sipas marrëveshjes paraprake i pandehuri N.M me fëmijët kishin dalë nga vetura dhe ishte larguar nga vendi i ngjarjes kinse për të ikur, ndërsa në veturë kishte mbetur tani e ndjera, të cilën i pandehuri G.P e kishte qëlluar nga afërsia me një plumb në qafë dhe si pasojë e plagës vdekjeprurëse, e ndjera L.M kishte ndërruar jetë në vendin e ngjarjes, ndërsa për këto veprime i pandehuri N.M, paraprakisht i kishte premtuar të pandehurit G.P shumën e të hollave prej 30,000.00 €”, thuhet në komunikatën e Gjykatës Themelore të Prishtinës” /InLajmi/
