Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 2 dhjetor.
2 dhjetor 1804 – Napoleon Bonaparti u kurorëzua perandor i Francës gjatë një ceremonie në Katedralen e Shën-Mërisë në Paris, ku i pranishëm ishte edhe papa.
2 dhjetor 1873 – Bursa e parë e obligacioneve të Perandorisë Osmane (Dersaadet Tahvilat Borsası) hyri në shërbim të publikut me ceremoni zyrtare.
2 dhjetor 1888 – Namik Kemali, poet, përkthyes, gazetar, reformator dhe botues nga Tekirdag, provincë osmane në brigjet e Marmarasë, Turqi e sotme, vdiq në ishullin Kios në moshën 48-vjeçare. Ai mori famë ndërkombëtare veçanërisht me pjesën teatrale “Atdheu ose Silistra” (Vatan Yahut Silistre), në vitin 1872.
2 dhjetor 1920 – Qeveria e Kuvendit të Madh Popullor të Turqisë dhe Armenia nënshkruan Traktatin e Aleksandropolit. Edhe pse nuk hyri kurrë në fuqi, kjo marrëveshje, e para e firmosur nga Qeveria e Kuvendit të Madh Popullor të Turqisë në arenën ndërkombëtare, u përdor si bazë për Traktatin e Moskës dhe Traktatin e Karsit duke përcaktuar kufijtë lindorë të Turqisë së sotme.
2 dhjetor 1942 – Shkencëtarët amerikanë realizuan për herë të parë reaksionin zinxhir bërthamor të kontrolluar. Ky eksperiment çoi në ndërtimin e bombës atomike.
2 dhjetor 1956 – Fidel Castro zbriti nga jahti “Granma” dhe shkeli tokën e Kubës. Plot 5 vite më vonë, të njëjtën ditë, ai e shpalli veten marksist dhe deklaroi se është lideri që do ta çojë Kubën në komunizëm. Kastro erdhi në pushtet me revolucion në vitin 1959 duke krijuar shtetin e parë komunist në Hemisferën Perëndimore. Ai u bë kryeministër dhe më pas president derisa u tërhoq në vitin 2008.
2 dhjetor 1982 – Zemra e parë artificiale, prodhuar nga dr. Robert Jarvik, iu vendos pacientit të quajtur Barney Clarc, i cili jetoi edhe 112 ditë të tjera pas operacionit.
2 dhjetor 1993 – Mbreti kolumbian i drogës, Pablo Escobar, frymëzim për shumë filma hollivudianë, u vra nga forcat e sigurisë në Medellin.
