Zëdhënësja e LDK-së, Sibel Halimi ka reaguar duke kritikuar deklaratën e fundit të ministrit Liburn Aliu, përcjell InLajmi.
Në reagimin e saj, Halimi shprehet se është detyrim për secilin zyrtar shtetëror që të ketë dashuri dhe besnikëri ndaj vendit. Sipas saj, kjo deklaratë e ministrit ndjellë pabesi e indeferencë ndaj rendit kushtetues dhe simbolik të shtetit kosovar dhe është më e dëmshme se të gjitha mosveprimet e tij gjatë kohës që ka qenë në qeverisje.
Më tutje, Halimi i bën thirrje ministrit Aliu që të kërkojë falje për këtë deklaratë.
Postimi i saj i plotë:
Dashuria dhe lojaliteti ndaj vendit, para se të jetë përkushtim është mendim për secilin qytetar kurse detyrim për secilin zyrtar shtetëror.
Deklarata e Liburn Aliu nën betim si ministër, se Kosova na qenka projekt i përkohshëm, sëpari shkel betimin që në secilin shtet modern do të pasohej me shkarkim, sëdyti ndjellë pabesi e indiferencë ndaj rendit kushtetues dhe simbolik të shtetit kosovar.
Ministri Aliu paguhet nga taksat e qytetarëve për t’i dhënë shtetit besnikëri në shërbim, një qasje e tillë është më e dëmshme se të gjitha mosveprimet e tij, tash e tre vite në qeverisje.
Kjo është edhe e vërteta e kësaj qeverie, nuk e duan shtetin por pushtetin, duke i vjedhur të sotmen dhe të ardhmen, prandaj Liburn Aliu, duhet të kërkoj falje, sepse ka lënduar projektin për të cilin u flijuan shumë breza. / InLajmi /
