Kryeministri Albin Kurti, gjatë vizitës në Gjilan ka mbajtur një deklaratë për mediat, gjatë së cilës u pyet edhe për deklaratën e bujshme të ministrit Liburn Aliu, raporton InLajmi.
Kurti u shpreh se nuk e kishte parë këtë deklaratë e se nuk mundej të komentonte rreth saj. Gjithashtu ai u shpreh se në Gjilan ishte për punë dhe projekte në dobi të qytetarëve.
“Nuk po më duhet e përshtatshëm që unë të komentojë emisione televizive që nuk i ka pa, por zëdhënësi im Përparim Kryeziu më tha që ai ka qenë emision festiv, por këtu sot jemi për punë që po bëhen për qytetarët në të mirën e tyre dhe ky është përqendrimi ynë”. tha ai
Më tutje, teksa fliste për autostradën, kryeministri tha se për shkak të rrëshqitjeve të dheut kanë dalë disa probleme të cilat kërkojnë riformtimin e kontratës. Gjithashtu ai informoi se buxheti është ndarë dhe në prill fillon tenderimi.
“Edhe unë e ndaj me juve brengën për autostradën munguar të Gjilanit tash e 7 vjet. Kohëve të fundit ajo çfarë është shqetësim është fakti se janë paraqitur disa problem të rrëshqitjes së dheut na duhet ta riformtimin e kontratës që të bëhet edhe disa shpronësime që të sanohen këto probleme që na janë shfaqur. Përderisa po eci me shpejtësi na është shfaqur ky problem. Për vazhdimin e autostradës nga Bresalci në Dheun e Bardh e kemi ndarë buxhetin dhe në prill fillon tenderimi”. tha Kurti
Në këtë vizitë, Kurti u taku me kryetarin e kësaj komune, Alban Hyseni e ndërkohë vizitoi punimet në fillimin e rrugës “Hamdi Kurteshi”. / InLajmi /
