Komisioni Qendror i Zgjedhjeve njofton pezullimin e përkohshëm të funksionimit të platformës elektronike “Gjej dhe ndërro Qendrën e Votimit” për shkak të disa përmirësimeve teknike, përcjell InLajmi.
Ndërkohë në njoftim KQZ thekson se qytetarët që tashmë kanë aplikuar kanë marrë përgjigje për statusin e vendimit për kërkesat e tyre. Gjithashtu ky institucion njofton se ky proces mund të kryhet fizikisht pranë Zyrave të Zyrtarëve të Lartë Komunal të Zgjedhjeve.
Njoftimi i plotë:
Prishtinë, 1 dhjetor 2023 – Komisioni Qendror i Zgjedhjeve njofton qytetarët se kapezulluar përkohësishtfunksionimin e platformës elektronike “Gjej dhe ndërro Qendrën e Votimit”.
Ky pezullim është bërë me qëllim të përmirësimit të disa aspekteve teknike të kësaj platforme.
Gjithashtu, njoftojmë të gjithë qytetarët me të drejtë vote që deri më tani kishin parashtruar kërkesat për ndërrimin e Qendrës së Votimit brenda komunës së tyre, se kërkesat e tyre janë pranuar dhe janë shyrtuar. Të gjithë aplikuesit, rreth 2,500, janë njoftuar përmes e-mailit lidhur me statusin e kërkesës së tyre për ndërrim të Qendrës së Votimit.
Deri në një njoftim të ri lidhur me shërbimin online për ndrrimin e Qendrës së Votimit,KQZ do të vazhdojë të ofrojë këtë mundësi për të gjithë qytetarët me të drejtë vote që votojnë në Republikën e Kosovës duke parashtruar kërkesën e tyre fizikishtnë Zyrat e Zyrtarëve të Lartë Komunal të Zgjedhjeve. Adresat e ZLKZ për secilën komunë mund të gjinden këtu:https://kqz-ks.org/adresat-e-zyrtareve-komunal/ /InLajmi/
