Deputetja e Lidhjes Demokratike të Kosovës LDK, Rrezarta Krasniqi në seancën e Kuvendit ku po diskutohet Raporti i Komisionit Evropian për Kosovën, është shprehur se gjendja në vend është më e rëndë se ajo që është e pasqyruar në raport, raporton InLajmi.
Sipas saj Kosova ka shumë problemeve dhe gjendja rëndohet për faktin se kemi masa të vëna nga ana e BE-së për Kosovën dhe po ashtu për faktin e raporteve tona momentale me shtetet mike.
Ajo vazhdoi me kritika të shumta për qeverisjen aktuale ndërsa theksoi se Kosova vazhdon të mos angazhohet në avancimin e të ardhmes së saj evropiane që rrjedhimisht është e ardhme e qytetarëve tanë.
Krasniqi kritikoi Qeverinë edhe për mosdeklarim pas publikimit të këtij raporti.
“Ndërsa u bënë tashmë 3 javë nga publikimi i raportit për vendin dhe nga ky kabinet qeveritar ende nuk kemi arritur të dëgjojmë ose shohim një qëndrim të tyre lidhur me këtë raport apo një ??.Për dallim nga viti i kaluar kur menjëherë pas publikimit të tij kemi pas shumë deklarata e qëndrime se është raporti më i miri e më pozitiv i publikuar ndonjë herë, këtë vit kemi një heshtje, mbase janë lodhur nga leximi i shpejtë i vitit të kaluar, prandaj këtë vit po ju duhet më shumë kohë dhe po procesojnë më ngadalë me lexim të Raportit, tha Krasniqi.
Tutje, theksoi ajo se bazuar në këto të dhëna, në shumë fusha e nga shumë të gjetura, ky raport mund të quhet raporti i faktimit të regresit
Ajo u shpreh se kjo Qeveri e ky pushtet janë kampion për regres./InLajmi/
