Të enjten është konstituuar Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla, raporton InLajmi.
Konstituimi i komisionit në fjalë kishte dështuar 7 herë radhazi pasi deputetët e mazhorancës bojkotonin mbledhjen e komisionit.
Megjithë se pajtuan për hetimin e rezervave shtetërore, komisioni filloi mbledhjen me tensione, ku pati përplasje mes opozitës e opozitës, ndërsa konflikt verbal u zhvillua mes deputetit të Lëvizjes Vetëvendosje, Halil Thaçi me deputetët e opozitës.
Përplasja nisi me kërkesën e deputetit të VV-së për deklaratat e dhëna nga deputetët e opozitës lidhur me Rezervat Shtetërore. Sipas Thaçit, opozita ka bërë politike dhe ka kërkuar arrestim të ministres Rozeta Hajdari.
“Ti Doarsë nuk je me dhanë moral politik këtu. Dihet çka ke bo me vullnetin e qytetarëve. Dëgjimi është virtyt nuk e ke, mos ndërhyj”, tha ai.
“Ti fole, a po ndalesh tash. Nuk mundesh me ndërhy. Rrugës ndryshoi qëndrimi dhe dolën te marrëveshjet ndërkombëtare”, tha deputetja Doarsa Kica-Xhelili.
Aty u përfshi edhe deputetja e tjetër e LDK-së, Valentina Bunjaku.
“Pse po më bon nervoz, këqyre punën tanë. Pse po hyn në personale”, u shpreh Bunjaku.
Në këtë përplaskjje verbale ndërhyri edhe kryetari i Komisionit deputeti i PDK-së, Rashit Qalaj.
“Nuk qëndron. Lëshoje deklaratën. Nuk është vullnet, por është koncesus që është arritur që të votohen marrëveshjet ndërkombëtare, e VV-ja të vijë në Komision” tha Qalaj./InLajmi/
