Zëvendëskryeministri, Besnik Bislimi, në seancën e Kuvendit ku po diskutohet për Raportin e Progresit për Kosovën, ndërsa theksoi se angazhimi i Kosovës në procesin e integrimeve është shtuar dhe se ka pasur zhvillime substaniciale në këtë synim, raporton InLajmi.
Sipas tij mobilizimi i Qeverisë për ta kapur hapin në procesin e integrimit evropian, pas stagnimit disa vjeçar po i jep frytet e veta.
Ndërsa vuri në theks angazhimin e qeverisë në rrugën drejt BE-së dhe mbështetjen e planit të zgjerimit për Ballkanin Perëndimor, kërkoi heqjen e masave të vendosura nga BE-ja.
“Raporti i fundit i publikuar më 8 nëntor përfshin zhvillimet nga muaji korrik i vitit të kaluar deri në qershor të këtij viti, por në qoftë se ka pasur zhvillime substanciale pas kësaj periudhe, ato janë përfshirë. Është raporti i parë pas aplikimit tonë për anëtarësim në BE dhe pas vendimit për liberalizim të vizave nga 1 janari i vitit 2024, 2 fakte këto që përmenden në raport”, tha Bislimi.
Ai tjheksoi se masat e evropës ndaj Kosovës bien ndesh me përpjekjet e rajonit për integrimin e shpejtë.
“Masat e Komisionit Evropian karshi Kosovës janë ende në fuqi dhe besojmë që ka një mundësi që prezenca e këtyre masave ka pasur ndikim edhe në vlerësimin ndaj Kosovës. Masat që janë në fuqi bien ndesh me përpjekjet e rajonit për integrim të përshpejtuar në BE, sidomos edhe me iniciativat e fundit. Kosova ka bërë hapat e duhur, prandaj është shumë e rëndësishme që sa më shpejt t’i tërheqë këto masa që janë të kthyeshme dhe pa pasoja, në mënyrë që fokusi të kthehet në avancimin e integrimit evropian të vendit tonë”, tha Bislimi/InLajmi/
