Deputeti i PDK-së, Ardian Kastrati, nga foltorja e kuvendit ka shprehur kritikën për rastin e shumëpërfolur të ditëve të fundit, pagesën e Gani Jakupit si këshilltar në Ministrinë e Jashtme.
“Qysh s’keni turp me folë kur paguani këshilltar 7.500 euro, që do të thotë pagesë sa për 70 pensionistë, 20 policë… Rroga e tij është 90 mijë euro në vit, 130.000 me benefite”, është shprehur Kastrati.
“O hajdutë, keni bërë ofertë të hapur për 2 ditë. O hajdutë, këtë nuk e ha dikush as me tru orangutani. Kjo është brutalitet”, ka vazhduar ai, njofton KlanKosova.tv.
Për Raportin e Progresit ai ka thënë se nuk mund të flitet, kur Kosova, shton ai, është nën sanksione ndërkombëtare.
