Presidenti i Republikës Srpska, RS Milorad Dodik tha se do të mbështesë listën “Aleksandar Vuçiq, Serbia nuk duhet të ndalet” në zgjedhjet e dhjetorit në Serbi, megjithëse Vuçiq nuk e mbështeti atë në zgjedhjet e përgjithshme të vitit të kaluar në RS, transmeton InLajmi.
“Është në interes të RS që ai të fitojë dhe unë do të votoj për Partinë Progresive Serbe, SNS. Është e vërtetë që ai nuk më ka mbështetur, madje disa njerëz në poste më të ulëta në SNS janë përpjekur të ndikojnë në rezultatin e zgjedhjeve këtu”, tha Dodik në një intervistë për NIN.
Duke vënë në dukje kur njerëzit brohoritin hapur për kandidaten e tij Jelena Triviq, ai tha se ishte e vërtetë, duke shtuar se “Unë mendoj se edhe ky është një tregues i demokracisë”.
“Edhe në SNSD (Unioni i Social Demokratëve të Pavarur) ka njerëz që nuk e mbështesin politikën e Vuçiqit. Por, ndryshe nga të tjerët, unë e kuptoj se çfarë do të thotë të ndërtosh një vend të lënë pas dore, dhe sa i përket marrëdhënies sime me Vuçiqin, ai është i paprekshëm dhe kemi bashkëpunim të shkëlqyer”, theksoi Dodik./InLajmi/
