Avokati i njohur Arbër Jashari, ka komentuar ngjarjen e mbremshme ku mbeti e vrarë një grua në Prishtinë, përcjell InLajmi.
Avokati Jashari tha se ka dyshimet e tij rreth kësaj ngjarje se nga grabitësit u vra viktima femër.
Ai tha se grabitësit nuk mund ta kenë qëllim grabitjen e telefonave apo gjësendeve të imëta me vlerë të vogël, e aq më pak të ndihen të rrezikuar nga një femër e të gjuajnë në drejtim të saj.
Avokati Arbër Jashari uron që sa më parë të zbardhet ky rast.
Postimi i plotë i tij:
Pse akti i mbrëmshëm kriminal në Prishtinë, më shumë ka karakteristikat e një vrasje të planifikuar se sa grabitje?
Grabitesi nuk grabitë vetura private, sepse ai nuk rrezikon për pak. Grabitësit zakonisht kanë target bankat, automjetet që bartin para, bizneset qe kanë shumë qarkullim(marketet, pikat e karburanit etj.), vëndet që kanë gjera me vlerë (ari psh.).
Grabitësi e di, qe sot njerzit nuk mbajnë shumë para me vete, e as shumë stoli ose gjëra tjera të çmuara. Është zor e besueshme qe grabitësit marrin telefona.
Grabitsi nuk ka qellim vrasjen. Ai qellim primar e ka të ushtroj frikë në mënyrë qe ta marr plaçken. Grabitësi vret veq kur i rrezikohet jeta ose zbulimi i identitetit.
Është pak e besueshme qe grabitësit të jenë ndjerë të rrezikuar, e sidomos nga një grua.
Uroj qe ky rast te zbardhet shpejtë./InLajmi/
