Ditën e mërkurë, ministri i mbrojtjes, Ejup Maqedonci, zhvilloi një takim me kryetarin e Komunës së Prishtinës, Përparim Rama ku diskutuan rreth bashkëpunimit ndërmjet këtyre dy institucioneve, përcjell InLajmi.
Maqedonci bëri me dije se gjatë këtij takimi kanë diskutuar me njëri-tjetrin rreth ngritjes së kapaciteteve reaguese të kryeqytetit në rast të fatkeqësive natyrore. Më tutje ai shtoi se 2 institucionet ranë dakord për koordinim të vazhdueshëm.
Postimi i tij i plotë:
Në takim me kryetarin e Komunës së Prishtinës, z. Përparim Rama diskutuam rreth bashkëpunimit ndërmjet dy institucioneve në fushën e emergjencave civile, ngritjes së kapaciteteve reaguese të kryeqytetit në rast të fatkeqësive natyrore si dhe rasteve të shkaktuara nga vet dora e njeriut.
U dakorduam për koordinim të vazhdueshëm ndërinstitucional. / InLajmi /
