Partia Socialdemokrate ka reaguar pas arrestimit të kryetarit të saj, Dardan Molliqaj e 5 aktivistëve të tjerë, Zgjim Hyseni, Nol Nushi, Korab Korça, Agron Kabashi dhe Gent Ibrahimi, në aksionin e së mërkurës në kundërshtim të Gjykatës Speciale, përcjell InLajmi.
PSD-ja kërkon lirimin e menjëhershëm të tyre, ndërsa shprehen se metodat frikësuese nuk i ndal ata në kundërshtim të padrejtësive.
Tutje thuhet në reagim se Gjykata është raciste, e padrejtë dhe segreguese.
Sipas PSD-së, Policia mund ta garantojë sigurinë fizike, por jo imazhin e një kryesuese të një procesi të padrejtë.
Postimi i plotë i PSD-së:
Në kundërshtim të Gjykatës Speciale, gjatë protstës së PSD janë arrestuar gjashtë aktivistë: Kryetari Dardan Molliqaj, Zgjim Hyseni, Nol Nushi, Korab Korça, Agron Kabashi dhe Gent Ibrahimi.
Kjo është përpjekje për disiplinim dhe përmirësim imazhi për gjykatën e padrejtë speiciale.
Metodat frikësuese neve nuk na ndalin. Gjykata është raciste, e padrejtë dhe segreguese. Rezictenca vazhdon. Z. Trendafilova nuk është e mirëseardhur. Policia mund ta garantojë sigurinë fizike, por jo imazhin e një kryesuese të një procesi të padrejtë.
Kërkojmë urgjentisht të lirohen aktivistët tonë!/iNlajmi/
