Pas njoftimit të policisë për masat e sigurisë të ndërmarra në kuadër të vizitës së Ekaterina Trendafilova, kryetari i PSD, Dardan Molliqaj ka shprehur reagimin e tij kundër, përcjell InLajmi.
Molliqaj shprehet se vendosja e këtyre masave sjell thyerje të prokolleve shtetërore ndonëse Trendafilova drejton një organ që sipas tij bën diskriminim të vazhdueshëm etnik.
Tutje tha ai se do të ishte më mirë nëse ajo do të kthehej prapa.
Postimi i tij i plotë:
Përpjekja për ta normalizuar padrejtësinë e Gjykatës Speciale, sot paska shkuar një hap tutje. Z. Trendafilova iu paska ofruar siguri shtesë. Janë thyer protokollet shtetërore sikur ajo të jetë vizitë e ndonjë presidenti nga ndonjë vend i rëndësishem, e jo kryesuesja e Dhomave të Specializuara – organ që bën diskriminim të vazhdueshëm etnik, racor dhe njerëzor.
Për ironi të fatit, kërkohet edhe mirëkuptim nga qytetarët për pengesa eventuale në trafik. Sikur të ishte vetëm ky problemi i kësaj vizite.
Mbase edhe kanë arsye për ta ruajtur, duke ditur që në Kosovë është e papranueshme dhe revolta ndaj saj është evidente. Më mirë do të ishte të kthehej prapa./InLajmi/
