Teksa uronte Ditën e Forcës, kryetari i Partisë Demokratike të Kosovës, Memli Krasniqi përmëndi edhe disa nga sfidat me të cilat përballet FSK, raporton InLajmi.
Krasniqi u shpreh se ndihet krenar për vlerat që anëtarët e FSK kanë, ndërkohë që kërkoi edhe mbështetje më të madhe për ta.
Sipas tij, nuk duhet lejuar që të rinjtë të braktisin FSK për shkak të kushteve jo adekuate.
Gjithashtu kryetari i PDK-së tha se do të propozojnë rritjen e buxhetit në dispozicion të FSK.
Postimi i tij i plotë:
“Gëzuar Ditën e Forcës!
Transformimi i FSK-së në ushtri në vitin 2018, pas shpalljes së pavarësisë, ishte momenti më krenar dhe më i lumtur për të gjithë.
Vajzat dhe djemtë tanë, pjesë të kësaj ushtrie, çdo ditë dhe në secilën sfidë po vazhdojnë të na bëjnë krenarë me suksese të njëpasnjëshme, brenda dhe jashtë vendit.
Atdhedashuria, kurajo dhe përgatitja e lartë profesionale, janë pjesë e ADN-së së tyre.
Megithatë, sfidat e vazhdueshme me të cilat po ballafaqohet Kosova, posaçërisht ato të sigurisë, kërkojnë mbështetje më të madhe shtetërore për ushtrinë tonë.
Në asnjë formë nuk guxojmë të lejojmë që të rinjtë tanë të braktistin uniformën e FSK-së për shkak të kushteve jo adekuate, siç ka ndodhur në 2 vitet e fundit.
Kosova, si një shtet që aspiron të anëtarësohet në NATO, duhet që së paku 2% të prodhimit të brendshëm bruto ta ndajë për ushtrinë.
Në vitin 2024, buxheti për Ministrinë e Mbrotjes duhet të jetë mbi 200 milionë euro.
Andaj, PDK, përmes Grupit tonë Parlamentar, do ta propozojë si amandament të veçantë në Ligjin për Buxhetin e vitit të ardhshëm, rritjen e buxhetit për Ministrinë e Mbrojtjes, rrjedhimisht, Ushtrinë e Kosovës.
Siguri për zhvillim e integrim.
Gëzuar!”/InLajmi/
