Me rastin e “Dita e Forcës” në Kosovës, kryetari i Aleancës për Ardhmërinë e Kosovës, Ramush Haradinaj, u shpreh se Ushtria e Kosovës, vazhdon të jetë institucioni më i besueshëm në Kosovë, përcjell InLajmi.
Gjithashtu Haradinaj tha se anëtarësimi i Kosovës në NATO është shumë i rëndësishëm për sigurinë në vend dhe në rajon.
Postimi i plotë i tij:
Ushtria e Kosovës vazhdon të jetë institucioni më i besueshëm në Kosovë. Sot, në “Ditën e Forcës”, e themi me zë të lartë sa i rëndësishëm është për sigurinë në Kosovë e rajon, si dhe për paqen në botë, anëtarësimi i Kosovës në NATO.
Dyert e hapura sot në FSK, mundësojnë me kuptu për jetën ushtarake, sukseset e vajzave dhe të djemve ndër më të mirët e atdheut, të cilët me përkushtim e vendosmëri janë në ballë të mbrojtjes të lirisë së fituar me sakrificë e të paqes po ashtu.
Urime “Dita e Forcës”, Kosovë! /InLajmi/
