Kryetari i Komunës së Prishtinës, Përparim Rama, ka inkurajuar qytetarët e Prishtinës që të marrin pjesë në Regjistrimin e Popullsisë që do të zhvillohet në muajin Prill 2024, përcjell InLajmi.
Sipas Ramës, ky regjistrim është shumë i rëndësishëm për kryeqytetin, pasi përmes këtij procesi, qeveria do të mundet të ndajë fondet dhe shërbimet në përshtatshmëri me nevojat e popullsisë.
Postimi i plotë i tij:
Të nderuar qytetarë,
Agjencia e Statistikave të Kosovës në muajin Prill 2024, do të bëjë Regjistrimin e Popullsisë, Ekonomive Familjare dhe Banesave të vendit në Republikën e Kosovës, dhe është shumë e rëndësishme që ju të merrni pjesë në regjistrim.
Regjistrimi i Popullsisë është tejet i rëndësishëm për Kryeqytetin pasi nëse Kryeqyteti si institucion e po ashtu Qeveria e Republikës së Kosovës kanë një regjistër të saktë të popullsisë, mund të ndajnë burimet dhe shërbimet në mënyrë të drejtë dhe efikase sipas nevojave të popullsisë. Kjo përfshinë ndarjen e fondeve, infrastrukturës, shërbimeve shëndetësore, arsimit, dhe shërbimeve të tjera publike. /InLajmi/
