E shtunja me mot dimëror, reshje shiu e bore

Në Kosovë na pret mot dimëror. Gjatë natës do të fillojnë reshje shiu të cilat shumë shpejt do të shndërrohen në reshje bore në viset malore e më vonë edhe në disa zona më të ulëta, por jo në viset më të ulëta deri të shtunën pasdite. Reshjet e borës pritet të intensifikohen nga mesdita ose pasdite dhe sidomos në jug dhe juglindje të vendit priten reshje të dendura bore, lokalisht edhe në vise tjera.

Në gati tërë territorin do të krijohen shtresa nga 2 cm. deri në 35 cm.

Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot plotësisht i vranët dhe me reshje të dendura shiu e reshje të dendura bore. Reshje shiu në zonat mesdhetare, e reshje bore në zonat kontinentale të Shqipërisë, në veri të Malit të Zi, Luginë dhe pasdite edhe në Maqedoninë Veriore. Në viset kodrinore-malore pritet dimër klasik me stuhi bore sidomos në malet mes Malit të Zi dhe Kosovës si dhe mes Kosovës, Maqedonisë së Veriut dhe Shqipërisë.

Të dielën ftohtë dhe me reshje sporadike bore. Priten edhe intervale kohore me diell, por mbetet mjaft ftohtë, shkruan Meteo Ballkan.

Nata mes së dielës e së hënës me acar polar. Fillimi i javes së ardhshme me rritje të lehta graduale të temperaturave e reshje të reja atmosferike nga e marta