Zëvendës ministri i infrastrukturës, Hysen Durmishi ka njoftuar qytetarët se të gjitha rrugët që mirëmbahen nga ministria janë të kalueshme, përcjell InLajmi.
Durmishi shprehet se ekipet e mirëmbajtjes janë në terren që nga orët e hershme të mëngjesit për të lehtësuar situatën e krijuar nga rreshjet e borës.
Gjithashtu, zëvendës ministri i bën thirrje qytetarëve për të lëvizur me kujdes dhe mos të dalin pa pajisjet e obligative për sezonin e dimrit.
Postimi i plotë i tij:
Me 19 kontrata aktive të mirëmbajtjës që i kemi në gjithë territorin e Kosovës, që nga orët e hershme të mëngjesit jemi në teren.
Aktualisht të gjitha rrugët që mirëmbahen nga ministria janë të kalueshme.
Kërkojmë nga të gjithë pjesëmarrësit në komunikacion që të lëvizin me kujdes duke ju përshtatur kushteve të rrugëve, dhe të mos dalin në rrugë pa paisjet e obligueshme për sezonën e dimrit. /InLajmi/
