Kryeministri Albin Kurti, nuk e ka komentuar deklaratën e presidentes Vjosa Osmani, se në draft-statutin e Asociacionit të propozuar nga BE-ja ka identifikuar disa çështje që krijojnë dykuptimësi, ndërsa shprehu gatishërin e tij për publikimin e tij, përcjell InLajmi.
Kryeministri theksoi gjithashtu se se draftin mund ta bëjnë publik ndërkombëtarët ngase me ta është dakorduar që mos të jetë i qasshëm për publikun.
“ Unë jam i gatshëm që të publikohet draft-statuti, Serbia nuk është e interesuar për normalizim dhe ajo e ka Asociacionin për serbët e Kosovës”, tha kryeministri.
Kurti fajëson shtetin serb për shkeljen e marrëveshjet, ndërsa shtoi se Serbia nuk është e interesuar për normalizim të raporteve.
“Po bëhen 9 muaj që jeni dakorduar në Bruksel dhe gjatë këtyre 9 muajve Serbia i ka shkelur marrëveshjet. Draft-statutin duhet bërë publik nga ndërkombëtarët”.
Shefi i ekzekutivit të vendit foli edhe për sulmin në Banjskë duke theksuar domosdoshmërinë e hollsishëm të tij.
Ai kërkoi që për sulmin të sanksionohet Serbia.
“2 muaj pas sulmit Banjskë duhet të kemi hetim të hollësishëm dhe konkluzione mbi këtë akt terrorist mbi Kosovën që na cenoi të gjithë ne. Duam sanksione për Serbinë dhe bëjë thirrje faktorëve ndërkombëtarë që të marrin masa për të gjithë këtë sulm”, u shpreh kryeministri.
Kujtojmë se që nga sulmi në Banjskë ku edhe u vra rreshteri Afrim Bunjaku, raportet mes Kosovës dhe Serbisë janë të ashpërsuara, ndërsa tentimet për marrëveshje normalizimi nuk po funksionojnë , së paku deri më tani/InLajmi/
