Deputeti i Lidhjes Demokratike të Kosovës, reagoi pas vendimit të Gjykatës Kushtetuese ku i jep të drejtë ankesës së LDK-së për Ligjin për Masat e Përkohshme të Produkteve Themelore në Raste të Veçanta të Destabilizimit në Treg, përcjell InLajmi.
Hoti, pas aktgjykimit u shpreh se LDK-ja beson në ekonominë e tregut, konkurrencë e lirë dhe në iniciativën private për të ardhme e zhvillim.
Sipas tij, sistemet e komanduara kanë dështuar dhe se ata që tentojnë t’i ringjallin lodhen kot.
Postimi i plotë i tij:
Lidhja Demokratike e Kosovës beson në ekonominë sociale të tregut, në konkurrencën e lirë e në iniciativën private për prosperitet e zhvillim. Sistemet e komanduara kanë dështuar. Ata që tentojnë t’i ringjallin lodhen kot.
Gjykata Kushtetuese ka rrëzuar Ligjin për Masat e Përkohshme të Produkteve Themelore në Raste të Veçanta të Destabilizimit në Treg./InLajmi/
