Ministrja e Punëve të Jashtme dhe Diasporës, MPJD, Donika Gërvalla, në një deklarim për medie tha se drafti i Asociacionit i pranuar nga BE-SHBA nuk është shumë i mirë, por që nuk ofron asnjë lloj autonomie për veriun e Kosovës, raporton InLajmi.
Si kryediplomate, Gërvalla premtoi se institucionet e Kosovës nuk do të pranojnë një draft i cili do ta dëmtoj shtetin.
“Drafti nuk ofron asnjë lloj autonomie për veriun e Kosovës dhe nuk është fer pyetja sepse përgjigja nuk varet nga ne. Po të ishte për ne menjëherë do ta kishim publikuar, është kërkesë e atyre që facilitojnë procesin e negociatave të cilët na kanë lutur. Prandaj drafti është jo shumë i mirë, drafti ka mjaftë sfida, respekton shumë shqetësimeve tona në të kaluarën dhe mendoj që është një bazë e mirë për të punuar më të”, u shpreh ministrja.
Tutje ajo siguroi se askush nga institucionalistët nuk do të pranojnë asgjë që dëmton shtetin.
“Unë iu lus që të keni pak durim lidhur më çështjen e draftit unë ju siguroj që nuk ka a një tentativë, as një përpjekje, asnjë vullnet, as dëshirë të kësaj Qeverie, dhe në përgjithësi të institucioneve as të presidentes e as kryeministri për të pranuar draft të cilat janë në dëme të Kosovës”, tha Gërvalla.ajo.
E pyetur për komente që Qeveria i ka dërguar në BE sa i përket këtij drafti dhe nëse do të negociohet me BE për to, Gërvalla nuk dha përgjigje duke theksuar se premtimet ndaj aleatëve nuk thyhen.
“Unë atë nuk mund të ju them dhe nuk kam dëshirë të jua them sepse përndryshe do të shekja marrëveshjet. Pas aktit të agresionit asgjë më nuk është si në të kaluarën. Negociatat me Serbinë pas 24 shtatorit para sinjaleve të qarta nga BE drejtuar Serbisë negociatat të kohëve të vjetra nuk do të ketë me. Ne jemi konstruktiv në qasjen tonë ndaj partnerëve tanë”, deklaroi ministrja Gërvalla.
Ajo duke kujtuar deklaratat e kryeministrit për aktivitetet e shtetit serb në kufi me Kosovën, është shprehur se përqëndrimin duhet ta kemi tek mbrojtja nga suulmet e mundshme./InLajmi/
