Shërbimi Korrektues i Kosovës SHKK, të premten ka shënuar 24-vjetorin e themelimit, me ç’rast u theksua se nuk kanë munguar angazhimet për rritjen e kapaiciteteve e profesionalizit të këtij shërbimi, raporton InLajmi.
Shënimin i këtij përvjetori u madhështu me diplomimin e gjeneratës 43-të e zyrtarëve korrektues, e që të gjitha janë të gjinisë femërore.
Duke folur për angazhimin e qeverisë në rritjen e kuotës gjinore, kryeministri i Kosovës, Albin Kurti, tha se SHKK-ja po certifikon 45 zyrtare gra, ndërsa theksoi se në qeverisjen e tij kanë shtuar kapacitete për ngritjen e profesionalizmit të këtij shërbimi.
“Shënimi i përvjetorëve të institucione është i rëndësishme kur efikasiteti është i lartë dhe inkurajohemi për më shumë punë në të ardhmen. Të burgosurit nuk janë të lirë po që kanë të drejta dhe ne u shërbejmë për këtë qëllim. Në qeverisjen tonë kemi shtuar kapacitetet profesionale për ngritjen e profesionalizmit të këtij shërbimi”, u shpreh kryeministri Kurti.
Tutje, theksoi kryeministri se me ndihmën e ambasadës amerikane janë trajnuar 104 zyrtarë në fusha të ndryshme.
“Gjatë 2 viteve të fundit me përkrahjen e ambasadës amerikane, janë trajnuar 104 zyrtarë në fusha të ndryshme. Shërbimi Korrektues i Kosovës me qëllim të ngritjes së kuotës gjinore, sot po certifikon 45 zyrtare gra në gjeneratën e 43-të”, u shpreh Kurti.
Drejtori i Shërbimit Korrektues të Kosovës, Ismajl Dibrani, tha se institucioni që ai e drejton ka shënuar një sukses në luftën kundër kontrabandës, ndësa theksoi se do të punohet edhe më për një sistem të besueshëm të drejtësisë.
Ministrja e Drejtësisë, Albulena Haxhiu, gjithashtu theksoi se Shërbimi Korrektues i Kosovës ka shënuar progres dhe profesionalizëm, edhe pse ka pasur shumë sfida./InLajmi/
