Me 83 vota për, asnjë kundër dhe asnjë abstenim, Kuvendi i Kosovës ka votuar Marrëveshjen Ndërkombëtare për financimin në mes të Republikës së Kosovës, përfaqësuar nga Ministria e Financave, Punës dhe Transfereve dhe Bankës Evropiane për Investime për projektin “Rehabilitimi i linjës hekurudhore 10 B”, raporton InLajmi.
Ky votim edhe shënoi hapjen e rrugës për votimin e Marrëveshjeve Ndërkombëtare pas një kohe të gjatë të bllokimit, pasi opozita nuk i votonte.
Gjithashtu, me shumicë votash u miratua edhe Marrëveshja e kredisë dhe projektit ndërmjet Republikës së Kosovës, përfaqësuar nga Ministria e Financave, Punës dhe Transfereve, KOSTT (Operator Sistemi, Transmisioni dhe Tregu sh. a.) dhe KFW, Frankfurt Am Main (KFW) për Projektin -Zhvillimi i sektorit të energjisë VII – përmirësimi i rrjetit të transmetimit.
Kuvendi me shumicë votash miratohi edhe Projektligjin për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”.
Seanca e Kuvendit po vazhdon me debate dhe diskutime për ështje të ndryshme të ngritura nga opozita./InLajmi/
