Stërnipi i Isa Boletinit, Gazmend Boletini ka rrëfyer për jetën dhe veprat e Isa Boletinit.
Ai në Radar në Radio Dukagjini thotë se lindi në një familje me traditë në Boletin nga nëna Ajshe që ishte nga Zhabari i Mitrovicës dhe baba Adem.
Gazmendi thotë se qysh si fëmijë Isa u mor me aktivitete partiotike.
Madje sipas tij qysh në moshën 17-vjeçare ai mori pjesë në beteja ushtarake.
Pos biznesit të tij, Isa Boletini hapi edhe shkollën e parë shqipe në atë pjesë në vitin 1899.
“Ajo nuk ishte shkollë publike pasi në atë kohë Sulltani nuk lejonte hapjen e shkollave shqipe”, ka rrëfyer Gazmend Boletini.
Vrasja e Isa Boletinit
Pas largimit të Ismail Qemalit nga pushteti në Shqipëri, Isa Boletini i sëmurë u zhvendos në Shkodër.
“Ishte pranuar në Shkodër nga konsulli francez, por për fat të keq ai kishte miqësi me Janko Vukotiq dhe Isën e dërguan në Tivar. Në ato momente ai shoqërohet dhe vend pas vendi dërgohet në Podgoricë. Aty vendoset në shtëpinë e Lumoviqëve pasi aty ishte afër edhe Ministria e Brendshme malazeze. Për çka edhe Isa dyshonte se po fshihej diçka”, tregon stërnipi i Isës.
“Kral Nikolla kishte organizuar vrasjen e Isa Boletinit. Isa e kishte vetëm një shpresë, ajo ishte, ardhja e Austro Hungarisë”.
Por ai u vra po atë ditë kur ushtritë e Vjenës hynë në Mitrovicë.
“Nipi i Isës, Jonuzi kishte dalë për të blerë një kali në pazar dhe për t’u kthyer në Kosovë. Në anën tjetër të urës ushtria malazeze po frekuentonte terrenin. Isa Boletini ka qenë me veshje kombëtare dhe derisa malazezët janë siguruar se është ai, kanë tentuar ta çarmatosin e ai normalisht se nuk ka pranuar dhe kanë filluar krismat. Fjala e fundit e Isës mendohet të jetë “mbaruam” pasi vendi ka qenë hapësirë e hapur. Luftimet kanë zgjatur vetëm 20 minuta dhe të gjithë patriotët shqiptarë janë vrarë”.
Gazmend Boletini thotë se në ato momente edhe kishte mbërritur ushtria Austro-Hungareze dhe ishte befasuar me numrin e madh të kufomave.
Sipas rrëfimit të tij ushtria malazeze ishte arsyetuar se këta ishin rebelë dhe se të parët I kishin sulmuar.
Isa Boletini u varros dy dytë pas vrasjes në Podgoricë, në një ceremoni ku morën pjesë një numër i madh njerëzish.
Pas përpjekjeve të shumta me dekada e vite më 10 qershor 2015, Isa Boletini u rivarros në oborrin e kullës së tij në Buletin të Mitrovicës.
Por stërnipi i tij thotë se eshtrat e Isës u sollën në Kosovë në vitin 1998.
Ai thotë se me kërkesë të një hoxhe në Mal të Zi varrezat e Isës dhe 17 familjarëve të tij u zhvendosen pasi në vendin e varrimit u bë një park nacional duke i zhdukur gjurmët e shqiptarëve.
“Presidenti Rugova pas arritje në Prishtinë të eshtrave të Isës dhe familjarëve tjerë, kishte preferuar që ata të varrosen në Mitrovicë në një kohë më të përshtatshme. Pas 12 viteve ata eshtra u varrosen në vendlindje. Pra është dashur 99 vite që eshtrat e isa Boletinit të varrosen në vendlindje”, tregon tutje Gazmend Boletini.
