Guvernatori i shtetit të New Yorkut thekson se shpërthimi i makinës që ndodhi në një urë kufitare SHBA-Kanada nuk lidhet me terrorizmin. 2 persona në automjet vdiqën dhe një agjent kufitar amerikan u plagos.
Makina po lëvizte nga ana e kufirit të Nju Jorkut në Urën e Ylberit kur u përplas në një pikë kontrolli. Incidenti pranë Ujëvarës së Niagarës solli mbylljen e katër urave në kufirin më të gjatë ndërkombëtar në botë.
Shpërthimi ndodhi rreth orës 11:30 me orën lokale të mërkurën, duke shkaktuar ndërprerje serioze në një nga ditët më të ngarkuara të udhëtimit të vitit, në prag të festës së Falënderimeve në SHBA.
Shërbimet e trenave midis Nju Jorkut dhe Kanadasë u ndërprenë përkohësisht dhe oficerët në aeroportet Buffalo dhe ujëvarat e Niagarës hynë në një gjendje të lartë alarmi duke kontrolluar makinat për eksplozivë, transmeton A2CNN.
Incidenti ngjalli frikën e një sulmi të mundshëm terrorist dhe spekulimet e pabaza u përhapën në internet në lidhje me një kërcënim të supozuar për Paradën e Ditës së Falënderimeve të Macy në New York City.
