Çmimi “Shqiponja e Artë” i dhurohet trajnerit të kombëtarës shqiptare Sylvio Campos Junior, për kontributin e tij në fushatën kualifikuese të Kombëtares kuqezi, që arriti të siguronte një biletë historike për në finalet e Euro “Gjermani 2024”
Këtë e ka bërë të ditur Federata e Futbollit Shqiptar, ndërsa çmimin për suksesin e treguar ia dorëzoi Kryeministri i Shqipërisë, Edi Rama.
“Dua të falënderoj të gjithë lojtarët e Kombëtares shqiptare, janë të gjithë të fortë, por sigurisht pa harruar edhe stafin teknik dhe Federatën Shqiptare të Futbollit. Ne jemi këtu disa përfaqësues, por ne kemi mbi 15 persona në stafin e skuadrës”, ka potencuar Sylvinho pas pranimit të çmimit.
“Faleminderit të gjithëve, faleminderit të gjithë skuadrës pasi pa ato lojtarë nuk do të ishte e mundur të isha në këtë mbrëmje dhe të marr këtë çmim që për mua është një nder i madh. Një qytetar i botës i lindur në San Paolo, që ka bërë një rrugëtim të gjatë në futboll duke kaluar nga Londra, Mançester, Milano dhe sot një qytetar shqiptar. Ju faleminderit edhe një herë të gjithëve”, theksoi Sylvinho.
Kujtojmë se të mërkurën në Tiranë filloi Samiti i 3-të i Diasporës zhvillohet në Pallatin e Kongreseve dhe bën bashkë përfaqësues dhe figura të njohura të komunitetit arbëresh në Itali, studiues e historianë në Ditën e Arbëreshëve.
