Shefi i deputetëve të Partisë Demokratike të Kosovës, Abelard Tahiri, në seancën e Kuvendit ngriti çështjen e s zjarrit në Institutin e Mjekësisë Ligjore, ndërsa kërkoi formimin e Komisionit Hetimor Parlamentar, raporton InLajmi.
Deputeti Tahir, tutje shprehu kritika të shumta për qeverisjen aktuale, duke cilësuar “dështim” të qeverisë edhe shtyerjen e pakufishme të procesit të regjistrimit të popullsisë, sikur edhe për zjarrin në IML, duke kërkuar vërtetësinë për “diegien” e mustaqeve të Adem Jasharit.
Siç u shpreh Tahiri që nga ardhja e Lëvizjes Vetëvendosje në pushtet, ka pasur përpjekje të vazhdueshme për ta penguar punën në Institutin e Mjekësisë Ligjore.
Duke iu referuar zjarrit në IML, deputeti Tahiri pyetur nëse është e vërtitë që janë djegur mustaqet e Adem Jasharit dhe mbetjet mortore të Isa Boletinit.
“Flasin për Serbinë, për Rusinë e vetëm për vetëm për t’i ikur skandalit. I tillë ishte edhe rasti i deputetit Rexhaj. Skandalet janë të mëdha, a me fol me Jakupin që ka pagën më të lartë, a me fol për sulmet. Kemi par një përpjekje të VV për ta dështuar punon e IML, para disa muajsh kemi pasur humbje të mostrave të Astrit Deharit dhe së fundmi kemi parë zjarr në IML, pra çfarë mostra janë djegur dhe çfarë raportesh dhe ekspertiza janë djegur”, tha Tahiri.
Për të hequr dyshimet mbi shkaktarët e mundshëm të zjarrit në IML, Tahiri propozoi themelimin e komisionit hetues parlamentar.
“Do t’i propozojmë Komision Hetimor për dëmet që janë shkaktuar në IML. Çfarë ekspertizash janë djegur, çfarë mostrash janë djegur dhe qytetarët kanë të drejtë të dinë për çfarë dëshmish janë humbur dhe cilat ishin ato mostra që kanë humbur në rastin Dehari. Javën që vjen do të kërkojmë të formohet ky komision hetimor””, deklaroi Tahiri.
Ndryshe kujtojmë se në Institutin e Mjekësisë Ligjore ditë më parë shpërtheu zjarri me ç;rast janë djegur 2 zyre./InLajmi/
