Qeveria e Kosovës në mbledhjen e së mërkurës miratoi Projektligjit për Letërnjoftim, që mundëson paisjen me letërnjoftim që nga lindja, raporton InLajmi.
Me këtë rast minsitri i Punëve të Brendshme, Xhelal Sveçla tha se me miratimin e këtij projektligji, tash qytetarët e Kosovës mund të pajisen me letërnjoftim qysh nga lindja, ndërsa siç tha ai nuk është obligative.
“Ky projektligj përcakton kushtet, procedurat, organin kompetent për lëshimin, kushte për përdorimin e letërnjoftimin dhe detyrimet e shtetasit lidhur me përdorimin e tij. Si risi e këtij projektligji është krijimi i mundësisë që shtetasi i Kosovës, nga linjda deri në moshën 16 vjeçare do mund të pajiset me letërnjoftim por pa qenë i detyruar. Kjo do të ju mundësojë qytetarëve të kësaj moshe që të lëvizin jashtë Republikës së Kosovës vetëm me letërnjoftim në ato vende që ka marrëveshje Republika e Kosovës”, tha minsitri Sveçla.
Ai bërti të ditur gjithashtu edhe disa detaje të tjera të asaj çfarë përmban projektligji, ndërsa theksoi se me këtë projektligj rregullohet edhe shfrytëzimi elektronik i të dhënave.
“Projektligji poashtu rregullon shfrytëzimin e të dhënave elektronike nga letërnjoftimi, formën dhe përmbajtjen, afatin e vlefshmërisë së tij, si dhe rregullat në rast të dëmtimit, humbjes apo vjedhjes së letërnjoftimit”.
