Ditën e hëne Sekretari i Përgjithshëm i NATO-s, Jens Stoltenberg, vizitoi Kosovën.Stoltenberg tha se kanë përdorur forcat rezervë për të rritur praninë e NATO-s në Kosovë pas sulmit të 24 shtatorit në Banjskë.
Edhe kryeministri i vendit, Albin Kurti, paralajmëroi ditë më parë për rrezikun që vjen nga fqinji verior, për Kosovën.Në lidhje me këtë gjendje të tensionuar ka folur për “Gazeta Blic”, Sekretari i Përgjithshëm i AKR-së, Vesel Makolli.
Makolli tha se ardhja e Stoltenberg në vendin tonë dhe në vendet e regjionit është shumë domethënës dhe percjellë mesazhe dhe paralajmërime për të gjitha vendet e në veçanti për Serbinë.
Ai tha se çdo informatë apo paralajmërim që vjen për një konflikt eventual të armatosur duhet të merret shumë seriozisht .
“Ardhja e Sekretarit të Pergjithshëm të NATO-s, Stoltenberg, në vendin tonë dhe në vendet e regjionit, është shumë domethënës dhe percjellë mesazhe dhe paralajmërime për të gjitha vendet e në veçanti për Serbinë, si shtet që mbanë përgjegjësi për te gjitha konfliktet dhe luftrat e tmerrshme që kanë ndodhur në qendër të Evropës, si dhe për situatën shumë tensionuese që mbretëron në këtë regjion. Çdo informatë apo paralajmerim që vjen per një konflikt eventual të armatosur, duhet te merret shume seriozisht nga organet gjegjese shteterore, te analizohet thellesisht dhe të merren masa adekuate, profesionale dhe te shpejta nga Qeveria, në bashkëpunim të ngushtë me aleatet tanë e në veçanti me nunin e pavaresisë SHBA-t” deklaroi Makolli.
Ai tutje u shpreh se Serbia do të kishte pasoja katastrofale nëse ndërmerr edhe një ‘aventurë’ luftarake kundër Kosovës.
“Paralajmerimet e qeveritareve tane para mjeteve te informimit, per mundesine e nje konflikti te armatosur, jane kontraproduktive, sidomos për rejtingun tonë në rrafshin ndërkombetar, kur kemi të bejmë me investimet në ekonominë tonë nga investitoret e huaj. Nese situata analizohet ne detaje dhe me nje logjike te shendosh, Serbia do te kishte pasoja katastrofale, nëse eventualisht ndermer edhe nje “avanture” luftarake kundër vendit tonë. Në këtë kontekst, këto paralajmerime duhet të jenë ma shumë për konsumin e brendshëm politik në Serbi, që i sherbejnë Presidentit Vuçiq për fushatën zgjedhore që fillon keto dite.Ne duhet te jemi mobil ne çdo kohe, duke mos e bere asnje hap pa konsultim me miqte tane nderkombetar dhe duke veprue ne ruajtjen e rejtingut te vendit tone ne rrafshin nderkombetar” deklaroi ai.
Paralajmërim se mund të ketë sërish tensione në veri ka dhënë edhe ish-kryeinspektori i Agjencisë Kosovare për Inteligjencë, Burim Ramadani.Ramadani tha se se Serbia brenda territorit të saj në anën të Kosovës është duke i prerë drunjët që nënkupton ‘pastrimi terreni’
“Në nivele të caktuara ka prerje të drurëve, pashtrim terreni në kufij të Kosovës dhe Serbisë nga ana e Serbisë, për të cilën duket qartë që e ka bërë qeveria e Serbisë. Ushtaraket e dinë më mirë që është pastrim i terrenit, për veprime ogurzeza, jo për veprime normale të bashkëpunimit”, ka thënë Ramadani
