2 policët, njëri i plagosur dhe tjetri i lënduar gjatë shkëmbimit me armë zjarri me grabitësit e argjendarisë në Suharekë, janë liruar për në shtëpi.
Kështu ka bërë të ditur për lajmi.net Shaqir Bytyqi, zëdhënës i policisë për rajonin e Prizrenit.
“Po, janë liruar dhe janë bashkë me kolegët e tyre”, ka thënë Bytyqi.
Ndryshe sot pak para orës 16:00 është grabitur argjendaria “Diakos” në qytetin e Suharekës. Vlera e arit të vjedhur sipas prokurores Ervehe Gashi është rreth 250 mijë euro.
4 persona të maskuar gjatë aktit kanë shkëmbyer të shtëna me armë zjarri me policinë, transmeton lajmi.net.
Si pasojë një polic është plagosur, por ai është jashtë rrezikut për jetë. Teksa një tjetër është lënduar. Të 2 janë liruar për në shtëpi pasi gjendja e tyre është përmirësuar.
