Deputetja e Lidhjes Demokratike të Kosovës, Doarsa Kica-Xhelili, reagon për rastin e diegies së 2 zyrave në Institutin e Mjekësisë Ligjore në Prishtinë, përça thotë ajo se kjo ngjarje ngrit dyshime e frikë të një përfshirje të rrezikshme të pushtetit në rastin Dehari, përcjell InLajmi.
Kica-Xhelili, theksoi se zjarri në institut ndodhi një ditë pasi ministrja Haxhiu dëshmoi për këtë rast.
Për më tepër deputetja shprehet se nuk kujton asgjë më skandaloze se keqmenaxhimi i këtij institucioni që operon në kuadër të Ministrisë së Drejtësisë
Krejt në fund, Kica-Xheli tha se ky nuk duhet ndalur së alarmuari për pasigurinë e skajshme në Kosovën e tillë.
Postimi i plotë i saj:
TMERR I TMERRIT
NJË DITË pas dhënies së dëshmisë së Ministres Haxhiu në Prokurori lidhur me rastin e të ndjerit Astrit Dehari, digjet Instituti i Mjekësisë Ligjore ku qëndrojnë (apo qëndronin) DËSHMITË e këtij rasti.
Dhe kjo:
PASI që ato dëshmi u vodhën e u kthyen, BRENDA mandatit të KËSAJ qeverie.
PASI që pas shumë vitesh që Haxhiu pretendonte se kush janë fajtorët, tani del si njeriu më i papërgjegjshëm i fjalës publike e pozitës së saj e deklaron se “PO TA DIJA KUSH, do ta thoja para shumë vitesh”. Tash iu kujtua, domethënë, që nuk e di? Çka ndodhi Ministre? Amnezi?
Kjo është e FRIKSHME. Kjo ngrit dyshime e frikë të një përfshirjeje tejet të rrezikshme të pushtetit në këtë rast.
Kjo që ndodhi është thënë më së buti KATASTROFË. Nuk di e nuk mund të kujtoj asgjë më skandaloze se një keqmenaxhim të tillë të Institutit që RIKUJTOJMË: OPERON në kuadër të MINISTRISË SË DREJTËSISË dhe operon me USHTRUES DETYRE qe sa kohë.
KY ALARM nuk guxon të ndalet.
Kjo nuk është KOSOVË e demokracisë e sigurisë. Kjo Kosovë ndjell pasiguri të skajshme.
