Komisioni për Çështje të Sigurisë dhe Mbrojtjes të martën ka shqyrtuar Projektligjin mbi ndarjet buxhetore të Buxhetit të Kosovës për vitin 2024, me theks ndarjet buxhetore për sektorët e sigurisë, raporton InLajmi.
Pozitë e opozitë u pajtuan që të mbahet edhe një takim tjetër për shqyrtuar kërkesat e tjera sa i përket buxhetit për ushtri.
“Duke pasur parasysh çështjen e buxhetit, është mirë me mbajt edhe një takim tjetër”, tha deputeti i VV-së, Enver Dugolli.
Ndërsa kryetari i këtij Komisioni, Bekë Berisha, shprehi dyshimet se amendamenti i Projektligjit për Buxhetin për ushtrinë po mbahet i fshehtë.
Sipas tij, po mbahen fshehtë nga komsioni disa gjëra nga ana e minsitrisë, por edhe deputetët e mazhorancës nuk duan të diskutojnë në komision.
“Ka fjalë se po mbahen fshehtë takime si nga ana e Ministrisë së Mbrojtjes, por edhe të VV-së dhe nuk po duan ta diskutojnë me neve si Komision”, u shpreh Berisha.
Projetbuxheti i vitit 2024, është miratuar në leximin e parë në Kuvend, pavarsisht kritikave të shumta nga opozita për ndarjet buxhetore.
