Kryetari i Partisë Demokratike të Kosovës Memli Krasniqi, ka reaguar në lidhje me diegjen e 2 zyrave në Institutin e Mjekësisë Mjeko Ligjore, përcjell InLajmi.
Krasniqi tha se për të 2-tën herë brenda një viti, Instituti i Mjekësisë Ligjore në Prishtinë po dëmtohet nga zjarre të dyshimta e për të parin e PDK-së kjo është mjaftë shqetësuese.
Ai tha se nga të gjitha organet kompetente, kërkon që urgjentisht të hedhin dritë mbi këtë çështje.
Krasniqi shtoi se nga të gjitha organet kompetente, kërkoj që urgjentisht të hedhin dritë mbi këtë çështje
Postimi i plotë i tij:
Për të dytën herë brenda një viti, Instituti i Mjekësisë Ligjore në Prishtinë po dëmtohet nga zjarre të dyshimta. Pas zhdukjes së mostrave të rastit të Astrit Deharit në dhjetor të vitit të kaluar dhe zjarrit të marsit të këtij viti, sot flaka kaploi disa nga zyret kryesore të këtij Instituti.
Nga të gjitha organet kompetente, kërkoj që urgjentisht të hedhin dritë mbi këtë çështje. Ndërkaq, Ministria e Drejtësisë, e cila menaxhon me këtë Institut, duhet të dalë urgjentisht me informata konkrete rreth këtij rasti!
Çfarë e shkaktoi zjarrin? Çfarë u dogj dhe cilat janë dëmet? A janë dëmtuar prova dhe mostra të tjera, të cilat do të dëmtojnë hetimin e ndonjë rasti? Si është e mundur që edhe pas zhdukjes së mostrave të rastit Dehari, mbikqyrja dhe niveli i sigurisë në këtë Institut të mbeten kaq të ulëta?
Nga të gjitha organet kompetente, kërkoj që urgjentisht të hedhin dritë mbi këtë çështji. Tashmë, dyshimet janë edhe më të mëdha se, për qëllime të caktuara të pushtetit aktual, ky Institut është rikthyer në cak dhe në instrument politik.
Dikush duhet të jap përgjegjësi!/InLajmi/
